Viki nace na Coruña en 1964, no barrio de Monte Alto, mais tamén a súa vida estivo sempre ligada a Muxía, a terra natal da súa nai. Aquí vivo na actualidade.Tamén a miña obra artística ten moito que ver co territorio no que vivo, a Costa da Morte.

Licenciada en Filosofía pola Universidade de Santiago de Compostela, traballou dando clases de Filosofía e Historia Contemporánea nun centro privado. Tamén deu clases de pintura e modelado.

Pintora e escultora autodidacta. Tamén artesá bonequeira. Na actualidade segue facendo pintura e escultura. Tamén ilustra algúns libros. Ademáis traballou no Concello de Muxía, actividade que compaxina coa arte. “A arte é o traballo que me da a vida”.

A súa obra defínese coa palabra compromiso, “non entendo vivir sen comprometerse e preocuparse polo que temos arredor”, e tecnicamente pode definirse pola cor e un debuxo rotundo. Canta aos temas, un dos seus principais é o mar. “Ou mellor, a cultura mariñeira. Todo o que se crea arredor do mar. O potente imaxinario, as lendas, o mundo do traballo, a vida na costa…”

E outro dos seus temas principais: as mulleres; “case diría que é “o meu tema”, porque incluso cando pinta sobre o mar o fai dende unha visión feminista. “As mulleres nunca como musas, senón dende unha perspectiva crítica co sistema patriarcal que nos quere silenciadas e exerce a súa violencia sobre nós . As mulleres vítimas da violencia machista ,as mulleres resistentes, as mulleres rebeldes e disidentes, donas das súas vidas, movendo o mundo, creando. Mulleres fortes e loitadoras, con voz propia e que temos en nós toda a forza para cambiar o mundo”.

Recentemente acaba de recibr o Premio Bos e Xenerosos que outorga a Fundación Eduardo Pondal, pola súa traxectoria artística e compromiso co feminismo dende a miña obra.

Podedes ver o seu curriculum artístico na sua web.